竹園餐廳

營業中

休息中

六月廿二日(日)今日準備同老婆上山頂，本來o念住過開海去中環勝香園度試試，但一查之下發現勝香園星期日係唔開，好彩查一查啫，唔係去到摸門釘~ ~" 於是改為係樓下茶餐廳食算～　叫左兩個餐～沙爹牛肉雞翼公仔麵($23)個人覺得尼度配麵最好食既係雞翼，雞翼炸到邊有D脆，比牛扒豬扒有水準～　沙爹牛肉沙爹汁其實未算太好，不過鈶終係本人配公仔麵至愛，有佢湯底好食好多～西多士餐($18)未係度食過西多，咁岩老婆唔太餓所以只叫左件西多，賣相都唔錯，係茶餐廳西多炸到熱一熱見住舊牛油係面度溶真係好正，令西多特別香，麵包亦夠鬆軟，配合埋糖漿實在非常好食～飲品方面推介凍檸茶同熱奶茶，尼間餐廳茶底沖得唔錯～