M18 (已結業)

放工後一個人，肚又餓，就走去M18食午餐。其實我光顧了2次，第一次是4月尾早上食一個 All Day Breakfast. 價錢是否合理就見仁見智，因為以地區來說一個All day breakfast 包飲品售HK$48，對我來說，比較地點、份量及環境是可以接受，只要算成是高級版的快餐店，至於係那間快餐連鎖店，只要睇下餅櫃就知啦 。我那天食的All Day Breakfast，炒蛋炒得滑，至於bacon，又係看個人口味，有些「鬼佬」喜歡食較脆身(在我眼中是肉乾)，女性傾向食軟身一點。我認為如果再煎久一點點就更理想。最大問題是個蕃茄，一cut開茄水就流出來，弄得一碟都是水，結果一塊麵包變成毛巾而報銷，蕃茄煎前只是把頭跟尾cut掉，蕃茄又大又厚，煎完中間完全生的，一件又濕又生的蕃茄，點食呀!呢個故事寓意係----要最後至食蕃茄。今次食的黑松露意粉，白汁足夠，加上意粉煮得蠻乾身，所以吃時味濃而不會食到一口都是。幾合我口胃。至於店內店外裝修，從木的裝飾，落地玻璃及店外的座位都給人一種輕鬆休閒的西式風格，不過快餐始終係快餐，係要自已揾位買餐......而且會經常出現搭枱的情況。