Green Common (The Forest) (已結業)

間唔中食下素食對身體都好既，呢間餐廳之前食過覺得幾好味，值得再試。餐牌主要以西餐做主題，今天 order 左芝脆焗豬扒意粉，新炸魚柳燴藜麥蒟蒻米 ,小食揀左樂樂雞&炒雜菜，飲品就order磨菇湯。個人最喜歡磨菇湯，湯好大碗，入口有好香磨菇味，有磨菇粒粒可以咀嚼。試左新炸魚柳燴蒟蒻米，蒟蒻米係低卡路里食物，取代白米飯夠好健康。焗豬扒意粉都唔錯，豬扒好脆口，豬扒應該係豆類製成品，配合醬汁味道好，食落好似真係食緊豬扒，份量都好足夠，食到好滿足，可以再來試其他食物。呢間餐廳比較自助形式，Order食物要自己去 cashier先付款，之後坐低等食物送黎。