影片
更多
2018-09-02
344 瀏覽
今日肥妹仔放工後坐叮叮去銅鑼灣SOGO買野，你知啦，香港人簡直當日本野係local菜，所以特登搵一間新開而且有格調嘅餐廳試一試，知道喺渣甸街有一棟全新嘅大廈，裏面有很多唔同國籍嘅菜式可以一試，就揀咗呢一間西日式嘅餐廳吃飯。餐廳裏面環境舒適，可以望到開陽嘅景致，你可以選擇坐係吧枱，望住廚師為你準備食物，令你有少少係居酒屋食野感覺，加上勁新嘅裝修同埋高級嘅格調，呢個配搭真係令你感覺到好開胃。清酒煮蜆第一味我哋叫咗清酒煮蜆，成個盤入邊裝滿滿滿嘅蜆肉，每粒蜆肉都浸着清酒味，而且酒味唔會太搶，食到個喉嚨好舒服，令你會不停食不停食，而且份量都好足夠，絕對值得推介。網繞黑毛和牛西冷牛扒 $288第二味就係我哋今晚嘅主菜，網繞黑毛和牛西冷牛扒，牛扒燒得剛剛好，肉質好香，感覺上係入口即溶，加上呢間新餐廳設想非常周到，配上唔同嘅醬料，令你食每一口牛嘅時候，都可以食到唔同嘅味道，呢份心思絕對值得一讚。雞翼餃子跟住我哋就叫咗雞翼餃子，雞翼餃子即叫即整，滿滿嘅餃子餡填滿雞翼之中，非常好味。明太子雜菇忌廉醬意粉 $138話明呢間餐廳係有西餐廳嘅元素，當然要試吓去西式嘅食物啦。我哋叫咗明太子雜菇忌廉醬意粉，意粉
今日肥妹仔放工後坐叮叮去銅鑼灣SOGO買野，你知啦，香港人簡直當日本野係local菜，所以特登搵一間新開而且有格調嘅餐廳試一試，知道喺渣甸街有一棟全新嘅大廈，裏面有很多唔同國籍嘅菜式可以一試，就揀咗呢一間西日式嘅餐廳吃飯。
餐廳裏面環境舒適，可以望到開陽嘅景致，你可以選擇坐係吧枱，望住廚師為你準備食物，令你有少少係居酒屋食野感覺，加上勁新嘅裝修同埋高級嘅格調，呢個配搭真係令你感覺到好開胃。
清酒煮蜆
第一味我哋叫咗清酒煮蜆，成個盤入邊裝滿滿滿嘅蜆肉，每粒蜆肉都浸着清酒味，而且酒味唔會太搶，食到個喉嚨好舒服，令你會不停食不停食，而且份量都好足夠，絕對值得推介。
網繞黑毛和牛西冷牛扒 $288
第二味就係我哋今晚嘅主菜，網繞黑毛和牛西冷牛扒，牛扒燒得剛剛好，肉質好香，感覺上係入口即溶，加上呢間新餐廳設想非常周到，配上唔同嘅醬料，令你食每一口牛嘅時候，都可以食到唔同嘅味道，呢份心思絕對值得一讚。
雞翼餃子
跟住我哋就叫咗雞翼餃子，雞翼餃子即叫即整，滿滿嘅餃子餡填滿雞翼之中，非常好味。
明太子雜菇忌廉醬意粉 $138
話明呢間餐廳係有西餐廳嘅元素，當然要試吓去西式嘅食物啦。我哋叫咗明太子雜菇忌廉醬意粉，意粉嘅硬度啱啱好，每條意粉都可以充斥着忌廉醬，令你食不停口。
松葉蟹肉蒸飯 $148
最後，我們仲叫埋松葉蟹肉蒸飯，呢個都係絕對值得一試。因為一般嘅蒸飯會比較油，但呢一個蒸飯上高鋪滿着滿滿嘅蟹肉，蟹肉嘅香味完全留入下面嘅蒸飯，令你根本唔使落任何調味料，都可以食好香嘅蒸飯，非常之有驚喜，所以非常之推介大家可以試下。
總括來講，呢間餐廳食物嘅質素高級，位置都方便，而且佢嘅菜式都同一般的日本居酒屋有分別，喜歡創新嘅你不妨抽時間去試吓啦。
張貼
