椰林閣餐廳 (已結業)

今日返舊屋整啲嘢，順便响麗晶食埋個早餐。我見成日都响港式茶餐廳食，所以今次去椰林閣，我記得佢啲咖啡係ok（唔係港式好酸嗰隻)。我哋兩大一細，叫左2個早餐追加一碗雪菜米，份量啱啱好。第一個叫咗 all day breakfast, 因為睇中佢有牛角包，又有蛋、漢堡扒等。牛角包响我預期之中咁好食，好香、鬆軟、整到熱熱地好好味😋個蛋就麻麻哋，唔夠滑。而個蕃茄、青瓜就好一般，正常味道但賣相唔出眾😅呢個係個餐追加8蚊嘅雪菜米，真係迷你版😂杯咖啡幾好，即磨嘅，我無落糖而佢加奶嘅份量剛好。最後講吓個火腿鮑片通粉，份量好大碗，我女(9歲)食唔晒，佢話個湯好好味同埋佢覺得仿鮑片嘅味好似真嘅🧐，下次要再encore 喎。不過我幾鍾意佢加左幾片娃娃菜，平時菜餐廳嗰啲無嘅😅整體來講，價格正常 ($34左右一個餐)，環境好舒服(夠大又有卡位)。