Ulyssa by Aldou (已結業)

之前已經來食過幾次中午飯，今次係第一次食晚餐，可能有一段時間無嚟，個 menu 好似唔同佐，而且佢哋門口同入邊已經開始有啲聖誕嘅佈置。估唔到工廈入邊嘅餐廳，晚市都差不多滿座，好在我哋有訂位，唔使等位。泰式生蝦刺身，西泰混合，在生蝦底加生菜，最欣賞佢嘅辣汁，應該加咗少少柚子汁，有特色。波士頓龍蝦冬陰功椰子意大利飯，呢個菜名就知道又係另一道 fusion 菜，原來冬陰功同意大利飯都幾夾，之前試個冬陰功意粉，反而冇咁夾，佢哋冬陰功唔算好辣，1.5隻辣椒辣度，酸酸辣辣好開胃，龍蝦肉結實彈牙。雜莓果碗 smoothie ，份量都幾多，感覺新鮮，加上椰子片，帶出泰式風味。金箔慕絲朱古力，賣相一流，口感及味道都好，朱古力味濃厚。