十一冰室 (已結業)

今日放假訓到2:00幾先起身。起身已經餓到打哂鼓，即刻換衫出去食個飯。一落樓行兩條街有間港式冰室。裝修好有西式style，有啲港西fusion，藍白色小屋好舒服。過左繁忙既lunch hour，人客唔算多，好舒適咁食個飯。我叫左lunch menu既美式雜排飯。飯粒配上黑椒汁，賣相都唔差啊。雜排包括：雞排、豬排、火腿和腸仔。食材好豐富，份量又大份。雞排好多肉汁，豬排好軟腍唔乾身。小食叫左魚肉春卷，即叫即炸脆卜卜！