Jinjuu (已結業)

知道新開呢間fusion 韓國菜，即刻忍唔住黎試下！一行三個女仔，咩都想試！首先黎左個炸芝士球，好好味，芝味好濃好香，炸得脆口唔油！再來餃子，皮不厚肉鮮嫩有肉汁，上面有芝麻顯更香！之後上埋炸雞及石窩飯！炸雞略嫌炸得小小過火，皮乾及肉汁不夠。但石窩飯有驚喜！職員送上枱後會細心攪拌，醬汁甜甜辣辣，內裏配菜又足，石窩夠溫度令飯好香亦有飯焦！高水準！三個女仔，食完都捧著肚滿意離開。