Gastrobox The Union (已結業)

尋日我阿哥話心情好，頭腦一熱帶咗我去到堅尼地城食飯，以前西環全部都係車房，宜家去到發覺好多都變晒做餐廳，仲有唔少係高級餐廳。我哋去到果間係叫做Gastrobox, 係間西式餐廳。餐枱放啲餐具真係好high class, 完全唔習慣啊！有湯，前菜，主菜，甜品比你揀。我哋今次叫得唔多，因為都真係幾貴下。我就叫咗個法式香草羊仔鞍，我阿哥叫咗個西冷牛扒7成熟。不愧係高級西餐廳，都等咗20分鐘先上菜，不過都值得嘅，真係好好食。個羊鞍唔會話好羶，可能我自己本身鍾意食羊啦，但係我阿哥試食咗一啖都話好食，應該唔習慣羊羶味嘅人都可以接受的。飲品我就叫咗杯菠蘿汁，幾好飲，唔會酸又唔過甜。我阿哥就叫咗杯cappuccino。食完扒就梗係會叫返啲甜品啦！呢個精選雪糕雖然唔係大杯，但上面有啲應該係士多啤梨醬。唔錯唔錯！食完埋單！走果時仲發現門口有個鐘，覺得幾靚好有古式風味！