影片
更多
2020-01-14
14 瀏覽
👧🏻係2020年既第一擊帶左屋企兩老去一間小店入面食西餐，餐廳環境都幾舒服，適合同屋企人、朋友或者另一半黎輕鬆下。個日👧🏻叫左餐湯、菠菜牛肝菌意大利飯、卡邦尼意大利粉、加拿大水飼豚肉扒同法式燉蛋。是日餐湯個日供應既係龍蝦湯，上枱個陣已經香氣四溢，飲落去濃郁既龍蝦鮮甜味，而且好順滑，中意龍蝦既朋友仔可以去試下，不過餐湯未必每日一樣，想試既朋友仔要留意啦😉菠菜牛肝菌意大利飯呢到既意大利飯比較接近正宗煮法，即係啲米會比較硬身，不過店員都好貼心咁會問客人需唔需要將啲飯煮番淋身啲，👧🏻就好中意個意大利飯入面既牛肝菌同菠菜都唔係切碎晒，令軟淋既意大利飯多番唔同既口感。卡邦尼意大利粉呢個意粉可以話係所有西餐廳都必備既菜式，但有啲唔係個醬太濃就係太鹹，呢道意粉唔會過度調味，而且醬汁唔會太濃郁令到食完有油膩感，最欣賞入面有好多配料，每一嗒都會食到磨菇或者煙肉。加拿大水飼豚肉扒呢個係兩老最滿意既菜式，軟淋既厚切豬扒肉味濃郁，豬扒本身已經有調味，重口味既朋友仔亦可以加醬汁，而配菜亦有四款唔同既蔬菜，最啱一齊分享😊法式燉蛋法式燉蛋係餐廳自己整既，蛋味好香濃，不過👧🏻覺得唔夠滑，如果做到滑啲加埋表面脆卜卜既焦糖
個日👧🏻叫左餐湯、菠菜牛肝菌意大利飯、卡邦尼意大利粉、加拿大水飼豚肉扒同法式燉蛋。
是日餐湯
個日供應既係龍蝦湯，上枱個陣已經香氣四溢，飲落去濃郁既龍蝦鮮甜味，而且好順滑，中意龍蝦既朋友仔可以去試下，不過餐湯未必每日一樣，想試既朋友仔要留意啦😉
菠菜牛肝菌意大利飯
呢到既意大利飯比較接近正宗煮法，即係啲米會比較硬身，不過店員都好貼心咁會問客人需唔需要將啲飯煮番淋身啲，👧🏻就好中意個意大利飯入面既牛肝菌同菠菜都唔係切碎晒，令軟淋既意大利飯多番唔同既口感。
卡邦尼意大利粉
呢個意粉可以話係所有西餐廳都必備既菜式，但有啲唔係個醬太濃就係太鹹，呢道意粉唔會過度調味，而且醬汁唔會太濃郁令到食完有油膩感，最欣賞入面有好多配料，每一嗒都會食到磨菇或者煙肉。
加拿大水飼豚肉扒
呢個係兩老最滿意既菜式，軟淋既厚切豬扒肉味濃郁，豬扒本身已經有調味，重口味既朋友仔亦可以加醬汁，而配菜亦有四款唔同既蔬菜，最啱一齊分享😊
法式燉蛋
法式燉蛋係餐廳自己整既，蛋味好香濃，不過👧🏻覺得唔夠滑，如果做到滑啲加埋表面脆卜卜既焦糖應該會更吸引。
每次都會透過以下6大方面評分(滿分:30分)
味道 : 4.25 / 5
環境 : 4 / 5
外觀 : 3.75 / 5
價錢 : 3 / 5
服務 : 4.5 / 5
回頭率 : 4 / 5
總分 : 23.5 / 30
性價比
👧🏻好欣賞餐廳店員既細心服務，而且食物味道亦拍得住一啲比較貴價既餐廳，👧🏻上次仲有啲菜式想試，下次可以帶埋👦🏻去再食🤤
張貼