影片
更多
2016-03-31
2850 瀏覽
喺London食過burger & Lobster之後, 一直想喺香港搵間類似嘅餐廳回味下, 所以就嚟咗呢度。不過其實佢似一間bar 多過餐廳, 所有枱全部都好細張, 我地四個人坐得好迫，如果淨係飲嘢就冇問題, 但食晚飯嘅話, 舒適度就一般喇。一坐底朋友就喺drink list揀咗支西班牙出產嘅白酒, 個樽係青綠色有d花紋 (唔記得影相), 聞落去好香果味, 飲一啖, 味道淡淡地好易入口, 好多白酒都好酸, 但呢支唔會, 襯生蠔就啱哂。我地叫咗半打raspberry point 加三隻pickled point生蠔, 知道佢地主打唔係生蠔, 所以都冇咩期望, 果然不出我所料, 食落覺得唔係好新鮮, 所以食完兩隻當試咗就算喇!因為有朋友唔食生蠔, 所以另外叫咗三隻baked raspberry point, 我食咗一隻, 又估唔到加咗D TOPPINGS再焗一焗幾好味噃~~之後我地每人叫咗一碗龍蝦湯, 每碗都有一支竹簽吉住一舊龍蝦肉, 肉質好鮮甜, 個湯又熱辣辣。試過喺其他地方飲過好咸同好腥嘅龍蝦湯, 呢個真係好唔同, 一D腥味都冇, 味道仲啱啱好添!!飲完個湯, 支酒都飲得7788,
一坐底朋友就喺drink list揀咗支西班牙出產嘅白酒, 個樽係青綠色有d花紋 (唔記得影相), 聞落去好香果味, 飲一啖, 味道淡淡地好易入口, 好多白酒都好酸, 但呢支唔會, 襯生蠔就啱哂。我地叫咗半打raspberry point 加三隻pickled point生蠔, 知道佢地主打唔係生蠔, 所以都冇咩期望, 果然不出我所料, 食落覺得唔係好新鮮, 所以食完兩隻當試咗就算喇!
因為有朋友唔食生蠔, 所以另外叫咗三隻baked raspberry point, 我食咗一隻, 又估唔到加咗D TOPPINGS再焗一焗幾好味噃~~
之後我地每人叫咗一碗龍蝦湯, 每碗都有一支竹簽吉住一舊龍蝦肉, 肉質好鮮甜, 個湯又熱辣辣。試過喺其他地方飲過好咸同好腥嘅龍蝦湯, 呢個真係好唔同, 一D腥味都冇, 味道仲啱啱好添!!
飲完個湯, 支酒都飲得7788, 所以就叫咗另一支佢地介紹話同龍蝦好夾嘅白酒 (又係唔記得影相), 不過我都係鐘意第一支多D!好喇~~ 主角出場喇, 首先係steamed lobster, 一份夠兩個人share食, 因為個waiter話張枱唔夠大, 每次只係最多放到一碟龍蝦, 所以建議我地食咗一隻 (但其實我係覺得個chef整唔切)...anyway, 就食咗steamed先啦~~
哇~ 望到已經流哂口水, 好大隻好多肉唔係得個殼架, 肉質好彈牙好鮮甜呀, 真係冇得彈!! 連D拌碟嘅菜都好好味好新鮮
之後到grilled喇, 一上枱就好大陣香草味, 本來我係期待呢個GRILLED多過STEAMED, 點知食落口先發現原來steamed係好食好多架! 可能grilled嘅比D herbs陣味蓋過哂啦!
埋單四個人$3,850, 雖然係好味, 不過都係覺得唔係好值, 加上坐得好唔舒服, 所以試過留個美好回億就算喇!
張貼
