Deer Kitchen (The Wave) (已結業)

今次約咗同觀塘返工既朋友食飯，就返佢去佢個頭食，佢就介紹The Wave入面呢間西餐廳，嚟過The Wave幾次，第一次嚟呢一間。一上到嚟都覺得感覺幾好，環境雖然唔算好大，但每張枱之間有返啲距離幾舒服，裝飾都唔錯，又幾有氣氛。職員好快送咗個餐包俾我地，個餐包都好軟熟好好食，配埋黑醋好夾。因為當日做緊特價$10一隻生蠔，我哋就每人叫咗兩隻嚟試下，食落都幾新鮮，又好爽滑。叫咗個小食，芝士薯條配黑松露醬($78)，黑松露醬好濃好香，連埋芝士薯條好好食！主菜嚟啦！慢煮紐西蘭牛柳伴香煎砵酒鵝肝($278)，個牛好大舊，非常厚，食落去唔銀，牛味好香口。軟殼蟹牛油果意大利飯($148)，軟殼蟹好好食，因為意大利飯再加埋牛油果溶，飯會俾平時食既再濕啲，但個味道食落去都好夾。Strawberry & Vanilla Cream Smoothie($48)，朋友叫既smoothie。Rose & Lychee Soda($42)，我叫既果味soda，幾清香得嚟又咁甜地，好好入口。