緣聚西日餐廳 (西裕街) (已結業)

同朋友去開元朗, 知道元朗有間放題，有西餐又有日式嘢食，仲有火鍋，咁多選擇，所以就來試下。餐廳位於元朗西裕街。一入到去店員已經即是量體溫，仲非常細心俾咗個袋放口罩。有沙律吧，同大量火鍋配料。餐廳環境寬躺，座位舒適。飲品有多款選擇，仲有熱飲。甜品櫃有雪糕、雪條、乳酪、豆腐花，鍾意食甜品嘅女士實揀到自己鍾意食。刺身款式非常多，非常新鮮，魚生肉質緊實，帶油香，味道鮮甜。火鍋蕃茄芝士火鍋湯底，蕃茄味香濃，配上芝士味道豐富，牛肉肉嫩多汁，蜆非常鮮甜。壽司多款壽司，仲有啲非常特別嘅配搭，用料新鮮，飯稍帶甜味。燒海鮮蠔身飽滿，配上濃郁芝士，味道一流，蝦爽口彈牙，魚肉質鮮嫩。燒物燒嘅時間恰到好處，所有肉類肉嫩多汁，配上秘製醬汁，增添風味。最後食返個甜品，甜品甜度適中，非常完美。