L.D.K. by Ufufu Café (德福廣場) (已結業)

餐廳裝修簡約，屬於連鎖食肆，主打西日菜式。只要惠顧主餐牌內既主食，就可以加$28升級做晚餐，晚餐可選湯或沙律，同埋甜品。餐湯明太子忌廉蛋包飯平時食開咖哩口味既蛋包飯，今次試一試新野，明太子忌廉口味，忌廉汁好creamy，加埋明太子，口感更豐富，蛋包飯既蛋好滑，同明太子忌廉汁都幾夾。經典和牛漢堡和牛都算幾大塊，可能煎得太耐，咬落唔算juicy，但肉質都腍。隨碟仲附上沙律菜同薯角。迷你香蕉芭菲朱古力雪糕加上忌廉、香蕉片和脆米，口感豐富，份量亦剛剛好。