L.D.K. by Ufufu Café (新都會廣場)

營業中

休息中

最近成日去葵芳試新餐廳，因為新都會裝修左之後有好多新食肆進駐。lunch去左食口碑好好嘅 L.D.K. 食西日菜，其實之前都食過晚飯，午間同夜晚menu其實一樣，只係下就可以加hkd 20轉做餐有沙律有湯有野飲。今日唔想做飯咁heavy(其實creamy嘅意粉仲邪惡）。大蝦水菜羅勒忌廉汁意粉份量都唔細，有六隻蝦點埋羅勒汁幾好味，意粉唔會太淋，有咬口，不過個汁略嫌咸少少重味少少。同事另外叫左三色丼，三小碗飯有帶子，吞拿魚蓉同醬燒牛肉，肉類嘅份量都唔少，細細碗又可以試多少少野，如果可以彈性少少自己選擇配料就更好。整體如果係午飯計都幾貴下，不過偶爾一食都唔錯。