影片
更多
2014-03-20
387 瀏覽
16-3-2014(Sun)去完禮賓府同shopping完後,同男友按計劃去探佢媽媽,我覺得買我好耐冇食o既蛋撻俾佢老人家食幾適合,所以提議俾男友,但由於佢已經唔記得邊o度有舊式麵包舖,而且佢又想食下午茶,就話KFC啦,有萄撻.啊,都好吖.佢就用$35.70買個西檸雞套餐,個餐有雞胸同雞膇各一,蘑菇湯,麵包同汽水,不過佢唔要,麵包改要薯蓉,亦另加$6.00將汽水改要港式紅豆奶茶,再另外買兩件$6.50o既萄撻,總共$54.70.買o左上佢媽媽屋企一齊食.拎出o黎睇睇,萄撻好細件,而且面上冇乜燶o既焦糖,杯港式紅豆奶茶又唔大杯.我拎出萄撻o黎,仍熱o既,俾一件佢媽媽食,我就食一件,蛋漿甜甜地同滑,蛋味唔太濃郁,薄酥皮都唔係好油膩.如果呢個係普通蛋撻,佢係合格,但可惜佢係萄撻,咁就fail喇.而其他呢,我就黐啲o黎食,首先係港式紅豆奶茶,茶味有,紅豆夠腍同甜,男友話呢個配搭幾好.嗯,係.呢個都有水準o既.男友將西檸汁淋落雞件o度食喇,呢隻雞件o既炸粉冇咁厚,西檸汁偏酸,不過都可以.而雞肉仍keep到juicy同滑,唔係一向o既厚炸粉同乾o鞋,唔錯.而蘑菇湯我就冇飲到,被男友飲晒;最後o既薯
佢就用$35.70買個西檸雞套餐,個餐有雞胸同雞膇各一,蘑菇湯,麵包同汽水,不過佢唔要,麵包改要薯蓉,亦另加$6.00將汽水改要港式紅豆奶茶,再另外買兩件$6.50o既萄撻,總共$54.70.買o左上佢媽媽屋企一齊食.
拎出o黎睇睇,
萄撻好細件,
而且面上冇乜燶o既焦糖,杯港式紅豆奶茶又唔大杯.我拎出萄撻o黎,仍熱o既,俾一件佢媽媽食,我就食一件,蛋漿甜甜地同滑,蛋味唔太濃郁,薄酥皮都唔係好油膩.如果呢個係普通蛋撻,佢係合格,但可惜佢係萄撻,咁就fail喇.
而其他呢,我就黐啲o黎食,首先係港式紅豆奶茶,
茶味有,紅豆夠腍同甜,男友話呢個配搭幾好.嗯,係.呢個都有水準o既.
男友將西檸汁淋落雞件o度食喇,
呢隻雞件o既炸粉冇咁厚,西檸汁偏酸,不過都可以.而雞肉仍keep到juicy同滑,唔係一向o既厚炸粉同乾o鞋,唔錯.
而蘑菇湯我就冇飲到,
被男友飲晒;最後o既薯蓉都係冇乜特別,
一樣係有微辣黑椒,我都只係食o左一啖仔.味道我只計萄撻,港式紅豆奶茶同西檸雞,分數係3.17分
張貼
