海港燒鵝海鮮酒家 (已結業)

知道海港集團二月底開始做西澳龍蝦大特價，每兩$19.8。今日同阿媽及工人共三個人叫咗一隻，想揀一隻最大嘅，望落去隻隻差唔多，揀左兩隻最大的來秤，最大嗰隻係3斤9兩。等左半個鐘，龍蝦上枱，賣相吸引（見相片），龍蝦本身很肥美，肉汁也很鮮美，如果是10分滿分的話，鮮味今次真係可以比足10分！實在係意外嘅驚喜！因為每次食澳洲龍蝦、阿拉斯加長腳蟹等，10次總有兩三次係會有唔滿意，不過今次真係好滿意，埋單大約$1400 ，真係好抵食！