華記士多 (已結業)

今日同朋友係附近揾嘢食，佢就話帶我去西灣河食一間幾出名嘅蛋包飯。呢間士多既舖面唔大，大部分枱都係係後巷個度。餐牌既選擇都唔多，主要都係有三種飯揀。我叫左個芝士咖哩蛋包飯，個飯話咁快就黎到。賣相黎講佢真係做得幾靚。入面既飯亦都唔係普通嘅飯，而係雞肉炒飯。蛋整得好滑好薄，好好食。咖哩汁係用日式咖哩，甜多過辣，每碟飯都比好多汁。反而芝士味唔算好突出，唔加芝士既話相信分別唔會好大。整體黎講，呢個價錢咁既味道，絕對係抵食之選。唯獨周圍既環境係啲橫街窄巷，可能唔係個個人鐘意。