影片
更多
2024-04-24
571 瀏覽
今日飯團熊同工作夥伴去咗西營盤嘅「MOOJOO Lifestyle Cafe」食商務午餐。餐廳喺西營盤地鐵站B3出口一出轉左就到，非常方便，另外呢度都係一間寵物友善餐廳🐈🐕，所以有陣時都會見到客人帶同貓貓狗狗入嚟食嘢，而餐廳入邊都會有唔少寵物嘅裝飾，會有貓狗嘅壁畫、貓貓咕𠱸同埋貓架等等 🐈🐈⬛🥯 煙三文魚牛油果配酸種麵包 ($88 + 1)喺煙靭嘅酸種麵包上面查滿咗用牛油果🥑做嘅果醬，有好清新嘅感覺，另外再加上兩片煙三文魚，令到食落去嘅感覺唔會太寡，望落去份量唔多，但係食完都好飽肚，係健康之選！推薦指數：🍙🍙🍙🍝 明太子蟹肉蟹籽意粉 ($108 + 1)忌廉意粉入面加咗蟹肉🦀同埋蟹籽，但係就唔係好感覺到有明太子嘅味道，不過整體味道都唔錯，口感好Creamy，但蟹肉嘅份量就唔多，亦都比較碎，所以無乜蟹味，只係一個普通嘅忌廉意粉 😅推薦指數：🍙🍙🍙🍳 英式早餐配雞蛋仔 ($128 + 1)呢個係呢一間Cafe嘅招牌菜式，英式早餐包括咗茄汁豆🫘、兩條煙肉🥓、兩條腸仔、蘑菇🍄同埋兩隻太陽蛋🍳，另外再加上一底雞蛋仔，啱啱送上嚟嘅時候覺得份量唔多，但食落原來都幾飽！不過除咗雞蛋仔比較吸引之外，
🥯 煙三文魚牛油果配酸種麵包 ($88 + 1)
煙三文魚牛油果配酸種麵包
$88
63 瀏覽
0 讚好
0 留言
喺煙靭嘅酸種麵包上面查滿咗用牛油果🥑做嘅果醬，有好清新嘅感覺，另外再加上兩片煙三文魚，令到食落去嘅感覺唔會太寡，望落去份量唔多，但係食完都好飽肚，係健康之選！
推薦指數：🍙🍙🍙
🍝 明太子蟹肉蟹籽意粉 ($108 + 1)
明太子蟹肉蟹籽意粉
$108
18 瀏覽
0 讚好
0 留言
忌廉意粉入面加咗蟹肉🦀同埋蟹籽，但係就唔係好感覺到有明太子嘅味道，不過整體味道都唔錯，口感好Creamy，但蟹肉嘅份量就唔多，亦都比較碎，所以無乜蟹味，只係一個普通嘅忌廉意粉 😅
推薦指數：🍙🍙🍙
🍳 英式早餐配雞蛋仔 ($128 + 1)
英式早餐配雞蛋仔
$128
68 瀏覽
1 讚好
0 留言
呢個係呢一間Cafe嘅招牌菜式，英式早餐包括咗茄汁豆🫘、兩條煙肉🥓、兩條腸仔、蘑菇🍄同埋兩隻太陽蛋🍳，另外再加上一底雞蛋仔，啱啱送上嚟嘅時候覺得份量唔多，但食落原來都幾飽！不過除咗雞蛋仔比較吸引之外，個英式早餐就都冇乜特別，個人認為可以一試用嚟打卡，但未必會再返兜 😅
推薦指數：🍙🍙
🐟 經典炸魚薯條配沙律 ($128 + 1)
經典炸魚薯條配沙律
$128
65 瀏覽
0 讚好
0 留言
呢炸魚薯條係比想像中大份量，炸魚都係熱辣辣啱啱炸起，肉質都嫩滑，另外薯條🍟都好夠粗夠脆，味道啱啱好！😋
推薦指數：🍙🍙🍙
🌭 雜錦香腸拼盤 (四川麻辣、冬陰功、黃咖喱) ($88 + 1)
雜錦香腸拼盤 (四川麻辣、冬陰功、黃咖喱)
$88
73 瀏覽
0 讚好
0 留言
呢個小食反而有驚喜，雜錦香腸有三個口味，每樣有兩條，外皮係脆皮，三個味道都非常之出，例如四川麻辣🌶️真係會有麻辣嘅感覺，但係又唔係辣到要狂飲水嗰隻，而冬陰功🇹🇭就有淡淡的香茅味，黃咖喱🍛就會有濃郁嘅咖喱味，三款嘅味道同腸仔都好夾，值得再試！😋
推薦指數：🍙🍙🍙🍙
除咗雜錦香腸拼盤小食之外，以上四個套餐都包左飲品，可以揀美式咖啡或者檸檬特飲，以西營盤Cafe嘅午餐價錢嚟講算係可以接受，質素中等，可能對於有寵物或者鍾意寵物嘅朋友會比較吸引 😊
張貼
