Just Eat (已結業)

住西環嘅朋友真係好幸福，因為衣食住行都超級方便。尤其是肚餓果陣想食咩類型嘅菜式都有多不勝數嘅選擇😆💖！今晚心血來潮想食越南野又唔想搭車出第二區，於是又黎左Just Eat - 一間我本人大力推薦嘅越南餐廳🍴⭐️。濃味牛湯浸牛肉河($62)- 上菜時湯碗仍然熱辣辣，牛肉呈色粉嫩紅色。💖呢度嘅生牛肉河我敢講係好食過好多大型連鎖品牌！河粉同牛肉嘅份量超多不在話下，重點佢採用嘅係上等優質牛肉！😍牛肉嘅口感非常之嫩。個湯底都冇得彈：充滿濃香牛骨鮮甜味，飲多兩啖都唔會口渴。香茅豬扒湯河($68) - 豬扒即叫即炸表面炸到金黃香脆，內裡肉質juicy！⭐️😊特別中意自家製嘅蔥油醬，令豬扒嘅香味更上一層樓。香茅串燒雞($36) - 食串燒肉類最怕廚師將D肉燒到乾爭爭，呢個雞串香茅味香濃之餘充滿肉汁，我同友人都非常impress！真係不得了✨絲網春卷配生菜($38) - 同樣係水準之作，春卷炸得好脆，點埋甜酸汁食非常開胃！越南桔仔甘蔗水($38) - 呢杯凍飲飲落帶點微咸當中又帶點甘蔗嘅清香，飲落唔甜。👍🏻食完咁多濃味嘅食物飲就最岩喇，可以中和一下油膩感又解渴生津。