影片
更多
2024-07-31
307 瀏覽
路過第一街呢間六月底開業嘅小店見環境幾優雅舒服價錢又抵就入去試吓，新到網上面都冇乜人評論過咁梗係要試吓啦. 小店座位唔多得幾張枱，每張枱都有不同花藝裝飾, 環境都唔錯. 餐廳嘅餐牌比較簡單，主要提供咖啡、珍珠奶茶、調製飲品、輕食西餐，例如意粉、薄餅同炸物小食. 飲品嘅選擇真係好多，而且幾有特色. 店員唔識中文，不過餐牌都有中文輔助點餐都好方便. ⭐️Cream cheese Oreo , Taro 呢個Oreo cream cheese系列都幾多選擇，有成10款口味，真係好邪惡. 今次就先試芋頭味. 一入口就係滿滿濃郁嘅芝士味質感好嫩滑，㗳落就係甜甜地嘅芋泥味，飲飲下就會吮到脆脆朱古力餅碎，果腹感十足. 非常推介. ⭐️Iced cafe latte， creame brulee 凍咖啡選擇亦都比大路連鎖咖啡店為多有成超過10款，價錢仲好抵添全部$40有找仲係大杯裝. 比較特別嘅口味有Tiramisu、creame brûlée、wintermelon、salted pistachio 都有，真係試多幾次都唔怕悶. 今次就試吓呢一個法式焦糖燉蛋咖啡. 奶泡好醇厚而且帶有好香焦糖味，又有好香
餐廳嘅餐牌比較簡單，主要提供咖啡、珍珠奶茶、調製飲品、輕食西餐，例如意粉、薄餅同炸物小食. 飲品嘅選擇真係好多，而且幾有特色. 店員唔識中文，不過餐牌都有中文輔助點餐都好方便.
⭐️Cream cheese Oreo , Taro
呢個Oreo cream cheese系列都幾多選擇，有成10款口味，真係好邪惡. 今次就先試芋頭味. 一入口就係滿滿濃郁嘅芝士味質感好嫩滑，㗳落就係甜甜地嘅芋泥味，飲飲下就會吮到脆脆朱古力餅碎，果腹感十足. 非常推介.
⭐️Iced cafe latte， creame brulee
凍咖啡選擇亦都比大路連鎖咖啡店為多有成超過10款，價錢仲好抵添全部$40有找仲係大杯裝. 比較特別嘅口味有Tiramisu、creame brûlée、wintermelon、salted pistachio 都有，真係試多幾次都唔怕悶. 今次就試吓呢一個法式焦糖燉蛋咖啡. 奶泡好醇厚而且帶有好香焦糖味，又有好香咖啡味. 整體唔係過甜.
⭐️creamy spinach pizza🍕
薄餅餅底好香脆. 面層topping嘅菠菜同芝士好軟綿綿形成鮮明對比. 而且新鮮滾熱辣食仲有拉絲效果. 下次試埋另外幾款口味先. 😙
⭐️Salmon lemon cream pasta 🍝
三文魚煎得幾香啖啖肉，醬汁酸酸地幾開胃，意粉都幾有咬口份量幾多，伴碟香草同新鮮檸檬增添清新香氣，食完成個意粉一啲都唔膩.
兩個人埋單$400有找，🤑原來餐廳仲唔收加一，真係好抵. 如果人多少少佢哋都有套餐可以選擇，另外原來餐廳仲有推出包場服務，大概容納20個人到，想同親朋戚友慶祝特別日子又多個選擇.
28 瀏覽
0 讚好
0 留言
11 瀏覽
0 讚好
0 留言
24 瀏覽
0 讚好
0 留言
張貼
