Bistro Breton by La Creperie (已結業)

星期日同老公去西營盤食法式晚餐，老闆同廚師都係法國人，好正宗。我地直接叫左個Set Dinner for 2，好豐富。 餐前麵包配牛油，牛油好軟身。Starters: Octopus Carpaccio, Classic Beef Tartare八爪魚切成薄片，一啲都唔韌，配青瓜粒一齊食好夾。生牛肉他他味道似食緊漢堡扒，撈完生雞蛋變得滑溜溜，好食。Mains: Beef Bourguignon, French Seabass Meuniere牛腩燉到好腍好軟，薯蓉十分幼滑，奶味頗出，仲有啲雜菜，正。鱸魚完全無魚刺，魚肉嫩滑新鮮，底下鋪住薯蓉同菠菜，好味。Dessert: Crepe La LiegeoiseCrepe上有一球朱古力雪糕同忌廉，鍾意食摺左幾層既crepe，夠軟熟，得一層時口感係脆既，兩種享受。Drinks: Green Apple Sparkling Soda同Brittany MojitoGreen Apple Sparkling Soda微甜，唔錯。Brittany Mojito酸酸地，幾清新。