Just Eat (已結業)

今次去咗西營盤呢間越南野 間野就係喺好出名三文治隔離! 食越南野就梗係要食撈檬，但係我今次見到樣好特別既野！濱海！咁就一於叫個黎試試～燒牛肉拌濱海：燒牛肉調味十足，肉質嫩滑多汁濱海其實就係喺一團團嘅米粉上曬上炸蒜，蔥花再配上魚露用生菜包住嚟食，有啲似泰國嘅生菜包咁，但呢個就係越南清新版haha朋友就叫左濃味牛湯浸牛肉河：呢度嘅湯頭用咗好濃郁嘅牛肉湯，遠遠都聞到牛肉湯嘅香味牛肉上檯時呈半生熟嘅狀態，等食果陣靠湯河本身嘅餘熱，令牛肉嘅生熟度剛好，牛肉肉質保持嫩滑。芒果軟殼蟹卷：軟殼蟹即叫即炸，香脆非常，配上清甜香芒，足以令軟殼蟹帶嘅油膩感銳減，再配上其他清新嘅配料如青瓜，米粉，生菜等，口感變得更為豐富。香茅串燒雞：陣陣嘅香茅香味四溢，再配上附上嘅濃郁嘅沙嗲醬，就更為惹味。