影片
更多
2023-03-03
38 瀏覽
Coffee By Zion 📍西環西營盤第一街83號地下1號舖━━━━━━━━━━━━━━━━━━━━━━━━━━━━大家應該都知西營盤cafe好多多 仲要間間都幾有自己style 今次嚟到嘅@coffeebyzion 都bookmark咗一排 問過幾個friend都話環境同食物質素都唔錯 咁就嚟試試😲9點直到11點會有breakfast 而11點到3點就會供應set lunch 價錢係一百蚊上下 會包嘢飲同餐湯 想嗌其他飲品都可以半價轉~ 都唔收加一 抵食! ━━━━━━━━━━━━━━━━━━━━━━━━━━━━🫕 餐湯 (set lunch)▶︎ 嗰日嘅湯係蘑菇湯 質地粘稠冇渣 飲落好重胡椒香 另外都食到蘑菇本人🙈好味指數:●●●●◯━━━━━━━━━━━━━━━━━━━━━━━━━━━━🍝 黑松露雜菌扁意粉 $98 ▶︎ 睇落分量唔大 不過其實個盤好深 一齊share一份都足夠~ 配料有忌廉汁 蘑菇同黑松露醬 ▶︎ 意粉口感唔錯 係我鐘意嗰種有咬口但又唔係未熟嘅感覺 而且非常之掛汁 ▶︎ 忌廉汁唔係好重奶味嗰種 所以食落唔會過於油膩 蘑菇味都夠重 如果黑松露味再出少少應該會更好味🫶🏻
📍西環西營盤第一街83號地下1號舖
━━━━━━━━━━━━━━━━━━━━━━━━━━━━
大家應該都知西營盤cafe好多多 仲要間間都幾有自己style 今次嚟到嘅@coffeebyzion 都bookmark咗一排 問過幾個friend都話環境同食物質素都唔錯 咁就嚟試試😲
9點直到11點會有breakfast 而11點到3點就會供應set lunch 價錢係一百蚊上下 會包嘢飲同餐湯 想嗌其他飲品都可以半價轉~ 都唔收加一 抵食!
━━━━━━━━━━━━━━━━━━━━━━━━━━━━
🫕 餐湯 (set lunch)
▶︎ 嗰日嘅湯係蘑菇湯 質地粘稠冇渣 飲落好重胡椒香 另外都食到蘑菇本人🙈
好味指數:●●●●◯
餐湯
5 瀏覽
0 讚好
0 留言
━━━━━━━━━━━━━━━━━━━━━━━━━━━━
🍝 黑松露雜菌扁意粉 $98
▶︎ 睇落分量唔大 不過其實個盤好深 一齊share一份都足夠~ 配料有忌廉汁 蘑菇同黑松露醬
▶︎ 意粉口感唔錯 係我鐘意嗰種有咬口但又唔係未熟嘅感覺 而且非常之掛汁
▶︎ 忌廉汁唔係好重奶味嗰種 所以食落唔會過於油膩 蘑菇味都夠重 如果黑松露味再出少少應該會更好味🫶🏻
好味指數:●●●●◯
黑松露雜菌扁意粉
$98
6 瀏覽
0 讚好
0 留言
━━━━━━━━━━━━━━━━━━━━━━━━━━━━
🥐 火腿芝士牛角包 $52 加炒蛋+$16
▶︎ 牛角包夾住沙律菜 沙律醬 芝士 火腿 番茄等 我地另加咗炒蛋自己夾入去🙈
▶︎ 牛角包酥脆到一掂就會碎 帶有好重牛油香同麵粉香😲
▶︎ 火腿唔係hea擺入去 而係有煎香過嘅 所以食落好香口 而芝士香味都重 唔係淨拉絲嗰種🫢
▶︎ 鐘意佢加咗沙律醬 而分量都適中 所以食落清爽得嚟好夠味👍🏻
好味指數:●●●●◐
火腿芝士牛角包
7 瀏覽
0 讚好
0 留言
━━━━━━━━━━━━━━━━━━━━━━━━━━━━
🧇 抹茶紅豆可頌窩夫配抹茶雪糕 $108
▶︎ 牛角包壓成嘅窩夫 有兩大舊 另外有小丸子 紅豆蓉 抹茶雪糕 抹茶醬 煉奶等
▶︎ 呢個壓成窩夫嘅牛角包都仲係有層次感 不過會比啱啱嘅牛角包多咗一分甜蜜感
▶︎ 紅豆同抹茶頗夾 兩者味道都幾出
▶︎ 值得一提嘅係抹茶醬好好味 真係食到抹茶嘅回甘 亦都可以中和紅豆蓉同抹茶雪糕嘅甜度 不過如果齋食紅豆同煉奶部分就會偏甜咗啲😌
好味指數:●●●●◐
抹茶紅豆可頌窩夫配抹茶雪糕
$108
10 瀏覽
0 讚好
0 留言
━━━━━━━━━━━━━━━━━━━━━━━━━━━━
🍵 Matcha Latte $45
▶︎ 係好可愛嘅貓咪拉花 見到就心情好好🤣🤣
▶︎ 食完抹茶窩夫之後就覺得呢個嘅抹茶味唔太重~ 反而奶味比較突出
好味指數:●●●◯◯
━━━━━━━━━━━━━━━━━━━━━━━━━━━━
到訪日期: 3月頭 (午餐)
快樂指數😋: ⑧⓪/①⓪⓪
性價比: 🌕🌕🌕🌗🌑
環境: 🟦🟦🟦🟦⬜️
服務分: 🔆🔆🔆🔆🔆
再訪意願: ❤️❤️❤️❤️🤍
張貼
