百味鮮辣蟹專門店 (已結業)

黎到見到門口已經係度排隊，好在一早訂左位，所以黎到都唔使等，之前約左好耐，所以大家都好期待呢一餐，叫左啲前菜小食，話梅豬手同凍螺，好好味，但唔記得影相。由於我地個個都好鍾意飲湯，所以叫左2鍋，好正蟲草花頭燉雞湯，雞去左皮，所以唔係好多油，岩晒，成個湯好清澈，雞味好出，同一般例湯好唔同。菜樹菇燉雞湯，啲個有啲菇味，個味比較濃郁，好香，但我就鍾意蟲草花個個多啲。主角黎啦，避風塘炒蟹，嘩，啲炸蒜香到不得了，忍唔住係咁挾黎食，隻蟹好大隻，好鮮，已經唔理儀態落晒手了。不嬲都鍾意食瀨尿蝦架啦，見到係推介個度，一於點黎食，由於我地已經叫左一個避風蟹，所以個侍應好好咁問下廚房，幫我地轉成黃金，黃金就食得多啦，黃金瀨尿蝦都係第一次食，出呼意料之外，又幾夾幾好食喎，最重要係上枱個陣已經剝左殼，啖啖肉，岩晒我呢啲懶鬼~BBQ 風味豬仔骨，好似豬扒咁，但肥瘦均勻，加埋啲BBQ 醬好惹味，餸飯一流。避風塘炒米粉，呢個係食完避風塘炒蟹必食既，將啲蟹既炸蒜攞去炒米粉，好香好惹味。薑蔥霸皇雞，呢個就平凡左啲，但啲雞唔會過熟，加埋啲蔥油，正~食飯一定要有碟菜既，金銀蛋西洋菜，個湯好濃好味，加上西洋菜係時菜，效果也不錯。