栢檔極品海南雞飯 (已結業)

中意係堅尼地城搵食, 貪佢D餐廳好CHILL又高質, 今日係附近做完野, 係地鐵站行兩分鐘就見到間海南雞飯, 又有D趕時間就快快趣趣入去食個飯~ 入到去見到牆上一列既獎狀, 有最喜愛十大餐廳, 飲食金馬獎等等, 好似好唔錯咁喎!!MENU選擇一目了然, 主菜大概分為幾款, 一個主食加飯只係$60蚊, 係堅尼地城黎講價錢算係好相宜了!! 我地兩個人揀左二人餐, 有湯有主食有菜有飯, 而且仲有半隻海南雞, 望落最抵食之選!皇牌無味精靚湯好足料既湯, 中意佢除左蘿蔔豬骨外仲有加左陳皮, 飲落好濃郁好甜好似屋企老火湯咁, 而且仲熱辣辣添!健康翠綠時菜爽脆既生菜份量足二人食, 亦已預先加左蠔油同豉油吊味。極品海南雞(半隻) + 油飯足半隻海南雞, 去骨後啖啖肉, 雞胸位唔會乾柴, 不過脾位真係尤其滑嫩,建議大家唔叫餐既話可以加錢轉脾~~ 雞皮薄薄入口有油香, 連肉食一D都唔覺得肥膩, 三種醬汁最中意薑蓉, 味道新鮮唔會咸, 冇味精既感覺。 配上薑黃色既油飯, 帶淡淡雞油香, 好味!香煎手剁魚香肉餅海南雞外既推介, 中意佢肉餅唔會太薄入口有質感, 表面煎到好香脆, 內裡肉質結實陣牙, 味道咸香惹味