La Postre (已結業)

朋友生日想食特別野，我地揀左西班牙餐廳同佢慶生，一行 11 人 更係要一早訂位，一去到餐廳就安排左入房，我地都有D驚喜，因為訂位果陣冇話會安排房比我地既，亦冇收最少收費好認真，用埋歐羅紙巾！欖油蒜片蝦配蒜蓉包，蝦就幾彈牙，但個汁就油得濟，味道就唔太濃！芝士煎蟹餅，食落有蟹肉，仲加埋蟹蚶，蟹加芝士，都幾夾，煎得唔錯！西班牙海鮮飯，賣相好吸引，海鮮都好新鮮，味道濃得黎又唔咸，炒飯炒得岩岩好！ 西班牙豬仔骨，奄得唔錯，好有豬味，每人一隻豬仔骨，好食！西班牙豬手，沒想像中好食，個汁影響左隻豬手，有點失望黑松露薯條 ，新鮮炸既，但切得太大條，唔香脆，有D 仲淋左！香蒜海水啤酒煮蠔，蠔煮得唔錯，個湯底都好清，好好飲，飲左好多啖！