RuRu Tapas Restaurant (已結業)

今日收工約咗fd一齊塊食dinner 突然好想食下西班牙菜 而見呢間餐廳環境都唔錯 所以就book咗呢間餐廳試一試 自家制千層面配薯格千層面嚟到時熱辣辣 上面仲加唔少芝士 所以一拔上嚟時 都有拉絲感🧀 同埋仲加咗好多肉碎係旁邊 千層面口感唔錯 整得啱啱好 整體嚟講都幾好味🤩另外佢仲有啲薯格配搭 有啲鹹鹹脆脆既薯格食 感覺更加開胃😆薯格仲係即叫即整 所以嚟到係熱辣辣同脆卜卜 油浸香草蒜蓉大蝦呢個蒜蓉大蝦嚟到時幾香 啲蝦大大隻 咬落幾爽 餐廳仲落咗好多牛油 所以牛油味十足😋另外仲加咗啲黑蒜片一齊炒 黑蒜片脆脆地幾好味 食落又唔會搶啲蝦味 呢個配搭不錯🤤西班牙脆豬腩燉天使短面呢個天使短面落咗好多料😋首先上面有幾塊大大塊既脆豬腩 豬腩唔會話好肥 咬落偏向淋身 所以都幾易咬 而天使面就加咗啲紅椒等配料 所以好夠味😌有啲天使面仲整到脆脆地咁 口感層次大大提升🤩Cocktail 🍹 另外仲嗌咗兩杯cocktail 飲下chill 一chill 酒味比較濃 啱晒同Fd一邊傾計 一邊飲🍹😆