民泰四七 (已結業)

今日同澳洲朋友食飯時間，不嬲佢都對食有要求，所以選擇餐廳一定包冇錯，今次都吾例外喎，我地一行四人食都堅飽都係每人$250都吾洗而且大家都好滿意這質素。焗三色芝士肉醬墨西哥粟米片……份量吾少喎，勁脆微辣配上醒胃肉醬味道十分好食，而朋友們就鐘意點2款醬食。溫泉蛋奶油卡邦尼稻庭烏冬…一致我地話十分好食，比較少奶油夠濃郁又滑而加蛋混一起食仲香，烏冬份量超多而又有口感，必食推介！主菜都吾少清炒椰菜同蕃茄，幾健康又窩心。西京汁柚子汁燒銀鱈魚，因為朋友鐘意食魚關係我地叫左個銀鱈魚，魚肉夠嫩滑又皮微脆又吾會太油，廚師整得吾錯喎。豬仔骨最後再加，因為見到戈地桌的骨勁大片（有2片），忍不住加黎食。醬汁剛好味道，而且好平均搽晒係豬仔骨度，吾會太咸， 因為份量太大，我地幾個最後仲差點吃不完。當然我地最後食個甜品啦……我選擇左我最愛法式焦糖燉蛋配桂花烏龍功夫茶，黎到已十分驚喜，裝置已十分漂亮，入面甜品比心目中多喎，味道竟感到濃郁培茶加焦糖香，但因如此就蛋味偏少，飲茶再一個驚喜，桂花味好香，絕對可以消滯到今餐的晚餐濃郁的味道，十分清新。