LAVA (已結業)

雖然喺間酒吧，但食物質素卻意外地好，而且份量都唔少，每碟菜式都見到好細心嘅擺盤，製作亦很用心。西班牙墨汁海鮮飯 $298 份量足夠兩個人食，米飯熟度剛好，唔會太腍或太硬，墨魚汁調味都好好，唔會過咸又唔膩，海鮮好有誠意同新鮮，有特別用火槍燒過，令到D大硯嘅鮮味更加特出。推薦！西班牙青椒仔 $68食西班牙菜點可以少得青椒仔，完全有喺之前西班牙食過嘅風味，食唔停！馬薩拉炸雞髀仔 $88印度風味嘅炸雞，唔好以為同M 牌脆香雞翼差唔多，完全係第2個層次，雞肉非常嫩滑多汁，外皮又香又脆，雞脾上面有酸酸甜甜嘅薄荷醬，令到炸雞嘅味道更有層次。西班牙豬、牛迷你漢堡 $88豬漢堡同牛漢堡都好味，咬落口充滿肉汁，中間夾左層脆豬皮，令到漢堡嘅口感幾有趣。