影片
更多
2022-05-22
68 瀏覽
今日唔想媽咪太辛苦煮飯，帶埋小朋友落街食飯。LA POSTRE係YOHO入面開左一段時間，因為食飯岩胃口，地方亦闊落，我地都經常落黎食飯。由於時間尚早，唔太需要等位即刻入座。我地帶住小朋友，叫左兩份主食及一份肉類，結果都飽到上心口。最值得一提係侍應姐姐好有心機向我地講解菜單同建議份量，上餐過程亦十分細心，每個細節位都做得好好，又照顧到小朋友需要！要知道帶細路出街食飯真係好麻煩，所以真係唔該哂當中既侍應姐姐🥰西班牙豬仔骨配蜜糖芥末汁曾幾何時每次去BBQ都一定會燒，因為豬仔骨多肉又油脂豐盛，用燒烤方法最能令佢皮脆肉嫩。今日既豬仔骨非常大件，本身都怕佢唔夠腍，不過連小朋友都輕易咬開，外皮無烤得太乾而且保留到肉汁。而附上的自家制醬汁則酸酸甜甜，小朋友都好鐘意，食過不停。西班牙龍蝦海鮮燉飯（半份）睇落去係STANDARD既SIZE，最後兩個大人都差點食唔哂。龍蝦好多膏，肉質亦不錯，拌入個飯到食，簡直係神來之筆。呢個PAELLA好有水準，材料豐富，飯吸收哂食材同高湯既味道，非常入味，而且有一兩塊小辣椒堤味，令其中一兩啖飯瞬間變辣，又幾過引。無耐前去過舉辦過「洪XX生日會」既連鎖西班牙餐廳，價錢貴呢
西班牙豬仔骨配蜜糖芥末汁
曾幾何時每次去BBQ都一定會燒，因為豬仔骨多肉又油脂豐盛，用燒烤方法最能令佢皮脆肉嫩。今日既豬仔骨非常大件，本身都怕佢唔夠腍，不過連小朋友都輕易咬開，外皮無烤得太乾而且保留到肉汁。而附上的自家制醬汁則酸酸甜甜，小朋友都好鐘意，食過不停。
西班牙龍蝦海鮮燉飯（半份）
睇落去係STANDARD既SIZE，最後兩個大人都差點食唔哂。龍蝦好多膏，肉質亦不錯，拌入個飯到食，簡直係神來之筆。呢個PAELLA好有水準，材料豐富，飯吸收哂食材同高湯既味道，非常入味，而且有一兩塊小辣椒堤味，令其中一兩啖飯瞬間變辣，又幾過引。無耐前去過舉辦過「洪XX生日會」既連鎖西班牙餐廳，價錢貴呢到1/2，味道亦相近地好食，所以性價比真心唔差。老實說，去完西班牙之後就發現，香港好多西班牙餐廳係煮海鮮飯既個層面上，比我喺西班牙食到嘅海鮮飯更加好食！
海鮮龍蝦汁天使麵主要叫比小朋友食，5歲半人仔一個人KO左大半碟，仲不停要添碗，好鬼搞笑。味道同海鮮數量都超出預期，龍蝦汁睇顏色唔算好橙但係又出奇地幾濃味又好好食，一啖接一啖，大人都食唔停口。上面既海鮮份量十足，最後都飽到食唔哂。
士多啤梨奶昔叫左杯比預朋友飲，一見到就哇哇聲，仲不停撈士多啤梨食。外貌同內涵兼備，士多啤梨味及奶味都重，冧小朋友都一流。
張貼
