Alzina Spanish Asador (已結業)

對西班牙菜既認識只限於西班牙蛋餅，朋友就提議不如去食返個正宗西班牙自助餐啦，呢個提議唔錯！假日既Brunch價錢好令人滿意，除左自助餐之外仲配有一人一個主菜，實行食到飽一般沙律、芝士、麵包、火腿呢啲基本野都一應俱全，質素極高！淨係火腿同麵包已經有好幾款選擇熱食方面選擇都好多，口味會偏重少少，但正正岩晒我地蜆同青口等等既海鮮都有架右邊既青口好新鮮，要享受西班牙風情必食但可以加$20點一隻即開既蠔試一試，金屬味偏重，好鮮甜，點返鮮番茄醬真係一流點少得主菜！話明黎感受西班牙風情，當然要點返個西班牙炒飯啦，炒飯微辣，加上新鮮海鮮，好香！要比滿分既焗乳豬，好少可以係西餐廳都食到咁juicy，咁嫩滑既乳豬，外皮更焗得岩岩好，必點！Ending仲有甜品，有雪糕、cheese cake、雪條，仲有西班牙傳統甜品炸油條，一次過享受到所有西班牙菜，對於今餐真係好滿意！值得一提既係餐廳侍應好有禮貌，反應亦十分快，好抵讚！一定會再戰既一間餐廳！