La Postre (已結業)

今晚同同事食飯，去左食西班牙菜！同事突然離職，番工又少一個好伙伴啦！我地7點到達餐廳，人客好多好旺場，我地等一陣先有位！先叫一個小食，Crab cake with cheese，賣相好精緻既蟹餅，蟹鉗擺放得好可愛，蟹餅入口軟綿香口，入口好嫩滑，芝士味道濃香又唔會太膩。之後我地叫左一個西班牙海鮮飯，飯粒有咬口，醬汁香濃入味，海鮮份量仲有好多，大蝦爽甜唔會腥，海鮮好新鮮，飯粒入口味濃滋味！份量仲好足夠兩個人食！甜品叫左matcha mochi waffle，窩夫中間夾入mochi，非常有咬口又軟綿綿，配上抹茶雪糕和紅豆蓉，甜度適中。我地叫左兩杯飲品，mango mojito & fresh fruit mojito，入口非常清新開胃，夏日飲最岩啦！