Sabor Spanish Touch Private Kitchen

營業中

休息中

今晚經過上環區收工，發現一間位於上環地鐵站附近嘅西班牙私房菜。 由於樓上舖，面向大馬路，地方環境不錯，而且氣氛非常舒服， 播上輕快音樂，另人感到心情好放鬆。店員服務周到，先為我們遞上開水，之後送上一客西班牙經典嘅頭盤，用番茄醬、橄欖油 和蒜頭做配搭嘅多士，蕃茄蓉新鮮香甜，而且麵包入口非常鬆軟，簡單美味。由於非常肚餓的關係，店員推介我哋食餐廳最好味既菜式之一墨汁海鮮飯。 主廚用咗大量海鮮湯去炆煮， 所以鮮香味十足，而且入口口感適中，不會煮得太淋或太硬，食材用料份量十足，配上魷魚圈和帶子，海鮮味道非常新鮮爽彈，再加上墨魚汁鮮味， 高質和完全沒有違和感，值得一試。黑椒燒春雞配西班牙火腿， 又係非常之出色嘅菜式， 用慢煮方式來烹調， 入口雞肉鮮嫩，非常多汁。 再用特製嘅橄欖油和黑椒既汁， 配搭鮮甜味十足嘅燈籠椒和卜卜脆嘅炸蒜片， 入口好有層次。最後點咗 Churro 西班牙小食， 主廚灑上肉桂糖於油炸麵包棍上，再配搭熱朱古力醬，以 72%嘅黑朱古力去調和口感， 入口不會過甜之餘，完全可以感受到黑朱古力嘅甘甜味道。