影片
更多
2018-09-14
61 瀏覽
純粹見到門面色調幾靚，環境又幾寧靜、岩哂我地坐底慢慢吹水，所以盲中中黎到呢間餐廳，結果滿滿正評！可能因為餐廳定位是coffee and bar 的關係，酒精跟非酒精都有不少選擇。但餐牌選擇不算多、其實一眼睇哂，主打的都是西班牙菜，甚具特色。因為對西班牙菜的認識不多，部分菜式睇完個名其實唔知係乜，見笑了😜。好彩bartender-Wallace十分主動介紹餐牌内容，Wallace的服務態度非常好，好到令我印象深刻到離開時都仲記得佢個名，今時今日有咁好的服務態度真係好值得讚！直接為間餐廳加左唔少分啊！！講返食物，今次無試飲品，主要食左幾樣店員推介的菜色：Pincho -呢個前菜係幾好食Smoked salmon 同 ham 兩款都好食，推薦要所有topping 跟麵包一齊食，加埋好Match，balancing 幾好，夠開胃。Ham Croquettes-呢個小食個樣好似薯波，但原來店員話唔係，係廚師用奶、麵粉、中間加左啲ham 粒粒，每日親自搓出黎的，口感綿綿的滑滑地都幾唔錯。Spanish garlic prawn-蝦係越南虎蝦，整得幾脆口，睇落細細份但有6隻蝦，一D都唔慳皮架！蒜蓉片
可能因為餐廳定位是coffee and bar 的關係，酒精跟非酒精都有不少選擇。但餐牌選擇不算多、其實一眼睇哂，主打的都是西班牙菜，甚具特色。
因為對西班牙菜的認識不多，部分菜式睇完個名其實唔知係乜，見笑了😜。好彩bartender-Wallace十分主動介紹餐牌内容，Wallace的服務態度非常好，好到令我印象深刻到離開時都仲記得佢個名，今時今日有咁好的服務態度真係好值得讚！直接為間餐廳加左唔少分啊！！講返食物，今次無試飲品，主要食左幾樣店員推介的菜色：
Pincho -呢個前菜係幾好食
Smoked salmon 同 ham 兩款都好食，推薦要所有topping 跟麵包一齊食，加埋好Match，balancing 幾好，夠開胃。
Ham Croquettes-呢個小食個樣好似薯波，但原來店員話唔係，係廚師用奶、麵粉、中間加左啲ham 粒粒，每日親自搓出黎的，口感綿綿的滑滑地都幾唔錯。
Spanish garlic prawn-蝦係越南虎蝦，整得幾脆口，睇落細細份但有6隻蝦，一D都唔慳皮架！蒜蓉片亦炸得幾香口。個橄欖油底唔知佢仲撈左啲咩，微微辣，麵包粒點上好香令我唔覺意食哂啲包。
Baked egg and mash-薯蓉加蛋就係英式菜色，友人喜歡吃薯蓉，叉住粒麵包攪攪攪，加埋啲ham 碎粒粒，又係會食哂啲包。
燒香雞（Menu無架，真係要Wallace介紹先識食😂）
足料成隻雞黎的，正常飽肚好食，預左係無乜驚喜。
Sake poached pears， 甜品相當有心思
提子雪糕rum 酒味香，連同上面的奶酥脆片食很夾，黃色果舊係浸過sake 的梨，友人話sake 味梨好特別，我就唔係好食倒有sake 味。面頭鋪左Lime jelly ，酸酸的都幾好食。整個甜品明顯令人印象深刻的，唔係果啲周圍都一樣果隻。
總結：食物份量睇落都好似細細份咁，但其實都飽肚，仲要唔駛加一，好抵食！ 得閒黎坐底飲杯野都好舒服！
張貼
