影片
更多
2017-01-16
3709 瀏覽
呢日係大埔行完山，一於係大埔區搵下食，補充返先回家啦！聽講大埔好多美食，我比較少來，所以由住附近的朋友介紹，黎左呢間食西班牙菜的餐廳小店。佢話呢邊會多小店亦唔比大集團的差，我一向都支持小店，好多都好有誠意心機。呢間亦唔例外，店面小，食物選擇其實不多，我想是要做到貴精不貴多。餐牌上見都是傳統一些的西班牙菜。我們二人點了：地中海式炸魷魚圈配檸檬蒜香蛋黃醬$78餐前小吃，雖然唔了解地中海式有咩分別，但我食到炸法好鬆脆，連個脆漿都好食，一d都唔隆呀！魷魚圈好彈牙一d都唔會韌。個蛋黃醬都幾特別，有d檸檬味好開胃，配creamy 蛋黃醬更加豐富口感！特色烤乳豬$168西班牙其中一樣招牌菜就係燒乳豬。呢度用左bb乳豬脾，非常嫩滑，入口即溶，皮亦烤至香脆不焦，不會窿或乾，仲保持到油份，食落口好柔軟，好正！本身都夠味，再配埋特色醬汁，更香更惹味！西班牙海鮮焗飯$168呢個都係傳統必食之一，材料好豐富有大蝦，蜆，魷魚，青口。大蝦好爽彈，其餘都非常鮮美，個飯焗到粒粒都有海鮮鮮味。咬落去不硬不軟好適中！份量剛好，岩哂我同朋友share!呢間西班牙菜小店估唔到係大埔都食到，算有水準，有驚喜，價錢合理，座位亦幾好
聽講大埔好多美食，我比較少來，所以由住附近的朋友介紹，黎左呢間食西班牙菜的餐廳小店。佢話呢邊會多小店亦唔比大集團的差，我一向都支持小店，好多都好有誠意心機。
呢間亦唔例外，店面小，食物選擇其實不多，我想是要做到貴精不貴多。餐牌上見都是傳統一些的西班牙菜。
我們二人點了：
地中海式炸魷魚圈配檸檬蒜香蛋黃醬$78
餐前小吃，雖然唔了解地中海式有咩分別，但我食到炸法好鬆脆，連個脆漿都好食，一d都唔隆呀！魷魚圈好彈牙一d都唔會韌。個蛋黃醬都幾特別，有d檸檬味好開胃，配creamy 蛋黃醬更加豐富口感！
特色烤乳豬$168西班牙其中一樣招牌菜就係燒乳豬。
呢度用左bb乳豬脾，非常嫩滑，入口即溶，皮亦烤至香脆不焦，不會窿或乾，仲保持到油份，食落口好柔軟，好正！本身都夠味，再配埋特色醬汁，更香更惹味！
西班牙海鮮焗飯$168呢個都係傳統必食之一，材料好豐富有大蝦，蜆，魷魚，青口。大蝦好爽彈，其餘都非常鮮美，個飯焗到粒粒都有海鮮鮮味。咬落去不硬不軟好適中！份量剛好，岩哂我同朋友share!
呢間西班牙菜小店估唔到係大埔都食到，算有水準，有驚喜，價錢合理，座位亦幾好坐，環境好chill , 值得推介俾大家。
張貼
