影片
更多
2017-06-26
241 瀏覽
是晚同三位大學時期宿舍認識的朋友聚舊，由於幾次講到去邊食我都正好在忙，所以選餐廳既過程我都無點參與，麻煩了貼心的朋友照顧。 本身對西餐認知唔深，覺得葡萄牙西班牙甚麼的總之西餐都係食下扒同Pasta甘樣 🙈 不過經過今晚，雖然都係唔知分別，但我對西班牙菜既 first impression 就肯定係好好既 😋😋 四個人叫左一個小食 一個pizza 一個飯 同一個肉。八式吐司 (有相) 小食選擇超多，揀左好耐。最後決定揀依個好似大家可以試下唔同既野。吐司其實係脆卜卜既法包，上面放左唔同配料，記得有鵝肝醬，黑松露炒蛋，蕃茄他他，巴馬火腿哈密瓜，三文魚籽吞拿魚，有件有蝦既...之後有啲係食左都唔知係咩黎，不過餐廳餐牌其實有寫到，只係我地太懶理姐 😂😂 我只係食左鵝肝醬同巴馬火腿個件，兩件都好好食 😋😋四式芝士薄餅 (有相) 切成六件大大件，有超香既芝士，唔落肉都夠哂好食 一咬落去仲拉到絲，同朋友笑說依件野幾有效果😂 批邊係薄既脆既，好有焗過既香味 😋西班牙香料牛仔骨 我本身係食肉獸，同場又有男士，所以叫左個 28oz
本身對西餐認知唔深，覺得葡萄牙西班牙甚麼的總之西餐都係食下扒同Pasta甘樣 🙈 不過經過今晚，雖然都係唔知分別，但我對西班牙菜既 first impression 就肯定係好好既 😋😋
四個人叫左一個小食 一個pizza 一個飯 同一個肉。
八式吐司 (有相)
小食選擇超多，揀左好耐。最後決定揀依個好似大家可以試下唔同既野。吐司其實係脆卜卜既法包，上面放左唔同配料，記得有鵝肝醬，黑松露炒蛋，蕃茄他他，巴馬火腿哈密瓜，三文魚籽吞拿魚，有件有蝦既...之後有啲係食左都唔知係咩黎，不過餐廳餐牌其實有寫到，只係我地太懶理姐 😂😂 我只係食左鵝肝醬同巴馬火腿個件，兩件都好好食 😋😋
四式芝士薄餅 (有相)
切成六件大大件，有超香既芝士，唔落肉都夠哂好食 一咬落去仲拉到絲，同朋友笑說依件野幾有效果😂 批邊係薄既脆既，好有焗過既香味 😋
西班牙香料牛仔骨
我本身係食肉獸，同場又有男士，所以叫左個 28oz 牛仔骨有啲肉落肚。黎到既時候興奮到哇哇聲，因為好大碟 😘😘😘 可惜，叫既時候係medium，但好似偏生變左medium rare，所以有啲筋同好難切。佢仲要煮得好平均，想搵啲頭頭尾尾熟啲都無添 😂😂，好彩我都比較食得生未至於食唔落。配菜不過不失，仲有一個 cocktail sauce 夾埋個肉幾好食。
西班牙海鮮焗飯 (有相)
餐牌寫二人份但絕對夠四人分享，一打開已經香到飛起。正如一開始所講我對西餐無乜認識，我都唔知點叫正宗，但我係食到入面有辣肉腸同ham既 (墨魚汁染黑哂)。有名廚曾經因為係西班牙海鮮飯加入辣肉腸而被批評，仲話佢無用扁平既鍋，而依間都係用比較深既鍋，但我又覺得... 食落好食咪得囉 😂😂😂 所以如果有識之士想追求正宗西班牙菜，依間餐廳就未必適合了。🙈
最後，我一直都覺得寫食評一定要考慮埋個價錢。依餐每人食左三百，唔算平，不過份量都相當大，唔驚會洗左錢都好似要返屋企煮多個麵甘 😂 計埋地區同餐廳格局我覺得只可以算係合理啦，但就講不上係物超所值啦。 🤔
Lychee punch
3 瀏覽
0 讚好
0 留言
八式吐司
10 瀏覽
0 讚好
0 留言
巴馬火腿哈密瓜吐司
5 瀏覽
0 讚好
0 留言
四色芝士薄餅
7 瀏覽
0 讚好
0 留言
西班牙香料牛仔骨 28oz
$368
18 瀏覽
0 讚好
0 留言
西班牙焗海鮮飯
4 瀏覽
0 讚好
0 留言
Passion Fruit Frappe
2 瀏覽
0 讚好
0 留言
張貼
