Playa de Papagayo (已改名) 查看

今日去K11逛街，午餐揀了附近的西班牙酒吧餐廳🍹，好chill好舒壓……Playa de Papagayo位放尖沙咀N1出口，係Restarant & Bar，有一般餐廳嘅菜式，又有酒飲，食飯 飲酒 聊天都一流💯黑松露野菌意大利扁麵$138，黑松露味道非常香濃，野菌份量超多，意大利麵沾滿忌廉汁，好味 但唔會漏。羅勒辣肉腸炒紐西蘭青口配蒜茸多士$138，青口唔算好大隻，但幾入味，愈食愈辣🌶，連湯都全部飲清；多士好香脆，充滿蒜香🧄。小食：西班牙醬煮蝸牛$88，醬汁帶香料和牛油的味道，薯蓉香滑鬆軟，蝸牛口感獨特，幾爽口。甜品：脆糖杏仁芝士蛋糕配紅莓雪葩$65，餅底味道好突出，甚至蓋過淡淡的芝士味；紅莓雪葩好搶鏡，酸酸甜甜，清涼又好味。飲品方面，西班牙果酒🍹是我的首選，點了Regular Sangria $52，紅酒味道香醇，容易入口，加上水果粒，顏色和影相效果超靚❤整體而言，服務員態度很親切，環境開揚，食物選擇多，質素頗高，價錢不算貴，值得一試。