Tapa Room (已結業)

店位於佐敦，一出lift一定被它店門前的裝飾吸引，一定會打卡。店主打西班牙菜，名字都取自西班牙小食Tapas。📌海膽汁及墨魚汁燒蠔兩隻燒蠔分開上，一隻用海膽汁，另一隻用墨魚汁，海膽汁嗰隻味道特別鮮甜，而墨魚汁嗰隻就香濃，兩隻味道各自各精彩，賣相方面，海膽汁係鮮橙色望落一定靚，墨魚汁雖然黑色，但廚師加咗紅色椒同一點白色沙律醬，打卡都不錯，望落吸引。📌柑橘果汁浸漬珍寶北海道帶子帶子爽口嫩滑，亦有煎過嘅香味，加上獨特嘅柑橘果汁醬，少少酸甜，令帶子味道提升。📌煎鮟鱇魚肝，羅勒些利酒醋漬汁鮟鱇魚肝通常喺日本料理見到，但西班牙餐廳就比較少見，這裡將魚肝煎香，腥味亦會減少，大細厚薄適中，口感嫩滑並且入口即溶，如果沾一些羅勒些利酒醋醬，更係回味無窮。📌西班牙薯仔蛋餅簡單來講就係蛋包住薯仔，蛋皮有煎香並且夠蛋味，但裏面嘅薯仔一舊舊，食落口感差啲，如果係薯仔蓉可能更好，不過賣相係靚嘅。📌烤原隻八爪魚腿配西班牙青醬這碟足足有三條八爪魚腿，每一條都相當大，份量非常豐富，八爪魚肉質爽滑彈牙，香味嚟自烤熟，味道即嚟自西班牙青醬，簡單嘅食材配搭，但味道卻令人難忘。📌Sakekura這抔cocktail嗰底係sake