Still

營業中

休息中

西班牙x日式fusion 菜，可一試～order左晚市二人set，份量都幾豐富～店員好有禮貌好熱情，會簡單介紹推薦下菜式飲品簡左杯白酒Sangria，水果香味好出，好易入口，熱情果手工啤飲落酸酸甜甜，唔錯生牛肉他他多士呢款小食最推薦，生牛肉他他混合左青瓜、洋蔥粒粒，口感豐富左，生牛肉份量都好足料，賣相相當吸引，配搭埋多士一同食，多士外脆內軟。生帶子刺身配西柚木柚子醋呢款小食酸酸甜甜都幾開胃，帶子隻隻都大大隻，呢個組合食落都幾fresh～招牌西班牙海鮮炒飯呢款西班牙海鮮炒飯結合左日式元素，搭配較fusion ，海鮮種類豐富，好滿足，如果飯粒硬身多少少就perfect ~西班牙churros 配日式蕨餅一次過食到西班牙x日式甜品😚😚，煙煙韌韌的組合～👍Churros 酥脆煙韌，充滿肉桂糖香氣，外脆內軟，另外仲配有朱古力醬，👍蕨餅分別有抹茶&黃豆粉味，咬落煙煙韌韌，軟糯軟糯，甜度適中。