祥香茶餐廳 (已結業)

雖然我擁有Elegant外貌, 但我其實好喜歡蒲茶餐廳,由其是西環祥香園, 久唔久我就會黎嘆個靚茶。搭枱是茶餐廳文化的其中一環, 出得黎食就預左係咁,如果有天讀者們發現撘枱既人係小妹, 不坊Say Hi, 但請說明是 Openrice 讀者,咁我先至唔會當你係色狼扮。而每一次黎祥香園必爬上一樓坐, 雖然同樣咁迫但已習慣成自然。大熱天時都係飲杯凍飲會較爽必飲  奶茶紅豆冰 外, 要多一個件下午茶必備 蛋撻係呢到食蛋撻要夾岩時間, 因為無知食過幾次都係唔熱的, 今次好彩蛋撻是熱辣辣之餘,牛油皮夠酥脆, 蛋芯也香甜Q彈, 好似食緊布甸一樣 。好開心終於可以重拾水準。奶茶紅豆冰 同樣無得頂, 紅豆粉糯香甜; 奶茶濃香順候。唔好以為煮紅豆好簡單, 其實大有學問, 要煮一煲靚紅豆可能會花上半天的時間,其實看似微不足道既野, 背後往往花了很多心機 。祥香園的紅豆冰絕對是我三甲內的選擇。