影片
更多
2017-03-13
904 瀏覽
放左學同同學去西環第三街到搵野食，見到成條街沿途都有好多餐廳，唯獨是阿元來了既門口排晒長龍，見到咁多人肯等咁耐去食，就知呢間野唔簡單。攞完飛一邊等位一邊同同學睇住menu揀食咩好，由於我地太肚餓，唔小心叫左好多野食。👉🏻👈🏻 等左大約15-20分鐘，終於有得坐低。餐廳既裝潢好有台灣風味，加上唔少店員都係台灣人，真係覺得自己好似去左台灣既夜市。一坐低啲野食已經好快黎到。魯肉飯雖然望落細細碗，但一個人食就啱啱好，唔會有油膩滯感。魯肉鋪滿面，每粒魯肉都切到肥瘦相間，醃得非常入味，拌飯食就同飯既份量恰到好處。每食一啖飯，魯肉既油脂都溶入飯到，再配上調配得非常惹味又唔會太鹹既醬汁，簡直一流。食完幾啖魯肉飯再食酸蘿蔔，口感清新。鹽酥雞係即叫即炸，外層熱辣辣，椒鹽香口之餘唔會太鹹。入面既雞肉口感亦算嫩滑，有足夠肉汁，唔會太乾或者太老。香菇肉羹既湯比較杰身，入口香濃。驚喜既係肉羹入面既豬肉肉質軟棉得黎非常有彈性同有嚼勁，而且豬肉大大粒，份量亦算多，非常飽肚。咁多樣野食我最鐘意就係佢既刈包。刈包既外皮好似饅頭咁，包身蒸得好軟熟。入面亦都好足料，有一大塊充滿住油香既焢肉，肉質軟身之餘亦非常入味，油脂入口即
攞完飛一邊等位一邊同同學睇住menu揀食咩好，由於我地太肚餓，唔小心叫左好多野食。👉🏻👈🏻 等左大約15-20分鐘，終於有得坐低。餐廳既裝潢好有台灣風味，加上唔少店員都係台灣人，真係覺得自己好似去左台灣既夜市。
一坐低啲野食已經好快黎到。魯肉飯雖然望落細細碗，但一個人食就啱啱好，唔會有油膩滯感。魯肉鋪滿面，每粒魯肉都切到肥瘦相間，醃得非常入味，拌飯食就同飯既份量恰到好處。每食一啖飯，魯肉既油脂都溶入飯到，再配上調配得非常惹味又唔會太鹹既醬汁，簡直一流。食完幾啖魯肉飯再食酸蘿蔔，口感清新。
鹽酥雞係即叫即炸，外層熱辣辣，椒鹽香口之餘唔會太鹹。入面既雞肉口感亦算嫩滑，有足夠肉汁，唔會太乾或者太老。
香菇肉羹既湯比較杰身，入口香濃。驚喜既係肉羹入面既豬肉肉質軟棉得黎非常有彈性同有嚼勁，而且豬肉大大粒，份量亦算多，非常飽肚。
咁多樣野食我最鐘意就係佢既刈包。刈包既外皮好似饅頭咁，包身蒸得好軟熟。入面亦都好足料，有一大塊充滿住油香既焢肉，肉質軟身之餘亦非常入味，油脂入口即溶，再配上大量酸菜，莞茜同花生酥糖碎增添香味，令到整體口感豐富又有層次。雖然個包咬落又鹹又甜，但出奇地毫無違和感，仲非常夾。
蚵仔煎薄身又大份，啱晒一大班朋友share。薯粉比例都算恰到好處，黏稠度適中，唔會太過韌。蚵仔大隻既同時份量亦唔少，對於好鐘意食蚵仔既我黎講簡直係不得了。🙈可惜整體黎講味道唔係好夠，蛋味比較重，唔算太惹味；另外醬汁亦較淡，始終都係台灣夜市既比較好食。
茉香珍珠奶茶中既奶同茶沖調比例恰到好處，加上淡淡既茉莉花香氣，非常清新。珍珠煲得啱啱好，非常彈牙有咬口，亦有好香既黑糖味。值得一讚係飲品既冰度同糖度可以根據個人喜好而選擇，唔怕會太多冰或太甜。
奶蓋紅茶上既奶蓋不過不失，份量算多，入口軟滑得黎又有鹹香。配上紅茶一齊飲，令口感更有層次。
九份芋圓非常足料豐富，有地瓜圓、芋圓、珍珠、紅豆同南北杏。每粒地瓜圓同芋圓形狀大小都不一，口感煙韌，可惜味道唔算突出；珍珠就彈牙有嚼勁。可惜我地點既冰九份芋圓只係湯底加上冰塊令佢冷卻，冰塊融化之後湯底變得非常淡，略嫌唔夠甜味。由於太多人等位而且餐廳格局比較細既關係，用餐時間只限三十分鐘左右，啱啱好食完就差唔多要交枱。但入到餐廳真係有種置身於台灣夜市既感覺，整體黎講食物亦都唔錯，等咁耐位都係值得既。
總括黎講我係絕對會再返黎回味一下台灣夜市既地道小食風味。
張貼
