Miss Saigon Vietnamese Cuisine (已結業)

和朋友老遠到西環睇日落散心，當然要係附近食下野，感受下西環氣息。最後在OpenRice 一番搜尋，跟著Google map左行右行之下，終於到左Miss Saigon。其實餐廳離堅尼地城站非常近。餐廳面積頗大，位子多，可以招呼不少客人。西貢小姐火車頭河粉。看上去湯汁並不濃郁，但實際上每啖湯都充滿牛肉香味。而且配料豐富，有生牛肉（我要求要左熟肉）、牛腩、牛丸、牛筋和牛柏葉。最後連湯都飲光。香茅豬扒春卷撈檬。春卷皮薄香脆，檬粉撈上特製魚露酸汁，野味十足。燒越南豬仔（1/4）。外皮烤得香脆，豬仔肉鮮嫩有肉汁，一點兒也不油膩。下次有機會會再黎幫襯。