渝味曉宇重慶老火鍋 (聚賢逸居) (已結業)

實在太耐冇打邊爐，但減肥唔想dinner食得太heavy，我就聊街坊朋友lunch time食，西環雖然都有好多地方打邊爐不過如果lunch time想食麻辣鍋，選擇就唔係太多，呢間打邊爐夜晚食過幾次，味道同價錢都合理，估唔到lunch 幾十蚊一碗麵好抵食，但想讚下佢近排有個聖子推廣，又平仲要真係超級好味，我為左呢打聖子決定下星期再來，哈哈餐廳環境乾淨，用電子落單夠晒方便，一坐低先來一碗糖水潤一潤喉嚨，一陣間食麻辣都可以食多啲下晝嚟唔算好多人，我哋叫咗碟美國肥牛同埋聖子，我之前食過好好味，聖子大大隻非常鮮甜，入口有海水味，極度肥美，就算一個人食一打我都食到，因為真係好好味。美國肥牛肥瘦適中，牛味濃郁，打邊爐必食啦，正。麻辣可以㨂辣度，我已經係點小辣但都好嗆喉，不過食得辣真係好刺激，同埋會寧捨開胃，係好好味的，我地仲特登點左半份油炸鬼，點落麻辣鍋內5秒拎起，嘩，太精彩啦！其餘點左雲吞大大粒鮮蝦係入面，超足料。粟米勁甜好好味，食埋個稻庭烏東，烏東好滑吸曬d湯汁，好好味啊，呢餐lunch仲豐富過dinner，真係好飽好滿足，今晚運動減肥開始。