熾工房 (已結業)

西營盤真係好多正黃店，呢日同男朋友行開果頭，無意中發現呢間抵食快餐黃店，食物款式多，味道都唔錯😋>Wow焗豬扒飯：因為係即叫即焗，所以要等耐少少，豬扒軟腍又入味，仲有加左蕃茄落去，醬汁食落酸酸甜甜，D飯粒粒分明幾好。>招牌脆雞漢堡餐：竹炭包焗得香脆，中間有一大塊厚切烤雞扒，炸到外面香酥可口，入面好juicy，醬汁甜甜地幾惹味，配埋紫椰菜口感更豐富。>原味烤雞：本身只點左一隻，但店員話果隻細左D，就比多隻我地，覺得好好🥺烤雞肉質嫩滑，食多左都唔怕爆瘡。>秘製雞肉丸：免治雞肉丸口感結實，配上甜辣醬汁好好食。>蘋果茉莉茶&無糖可樂：蘋果茉莉茶清甜潤喉；有無糖可樂揀可以健康少少。