影片
更多
2023-03-26
38 瀏覽
之前幫襯過高街嗰間貼地小店「兩草」，食物抵食又高質，性價比極高。早排路過，見同一位置新開咗間「巴剎雞飯」，今日喺附近做嘢，專登過嚟食個 late lunch。餐廳地方不大，設計平實，以舊式圓形檯櫈為主，營造出昔日大牌檔風情。餐牌很簡單，一頁過，有雞、豬、飯類、撈麵、湯麵、小食和飲品等，選項一目了然。點咗巴剎雞飯同淨皮蛋餃，另外再加咗幾款小食。巴剎雞飯 ($58，+$13 轉雞髀)，雞髀肉好煞食，肉質超嫩滑，雞皮唔會積聚過多脂肪，入口啖啖肉又有雞味。油飯香軟度亦啱啱好，粒粒分明有飯香。跟飯嘅冬瓜湯，味道亦唔錯，內有冬瓜粒，可以落啲餐廳自家秘製嘅香脆胡椒粒一齊飲，滋味又暖胃。山打根皮蛋餃 ($46) 餃子皮薄餡多，入面包裹住剁碎豬肉同鮮香皮蛋，豬肉以瘦肉為主，脂肪含量少，肉中無筋且腍滑，同甘香嘅皮蛋好夾。炭燒沙嗲豬肉串 ($48) 豬肉串火候控制得相當好，用迷你炭爐盛上，外層帶焦香，內裡肉質保持嫩滑，蘸沙嗲醬吃，濃香惹味。菜脯蛋炒蘿蔔糕 ($32) 蘿蔔糕炒得好香口，糕身唔會太過綿軟，食落有好重蘿蔔味，加上廚師落咗雞蛋同菜脯嚟炒，入口鹹鹹香香，勁惹味。飲品點咗餐廳自家炮製嘅丹南咖啡
之前幫襯過高街嗰間貼地小店「兩草」，食物抵食又高質，性價比極高。早排路過，見同一位置新開咗間「巴剎雞飯」，今日喺附近做嘢，專登過嚟食個 late lunch。
餐廳地方不大，設計平實，以舊式圓形檯櫈為主，營造出昔日大牌檔風情。
餐牌很簡單，一頁過，有雞、豬、飯類、撈麵、湯麵、小食和飲品等，選項一目了然。點咗巴剎雞飯同淨皮蛋餃，另外再加咗幾款小食。
巴剎雞飯 ($58，+$13 轉雞髀)，雞髀肉好煞食，肉質超嫩滑，雞皮唔會積聚過多脂肪，入口啖啖肉又有雞味。油飯香軟度亦啱啱好，粒粒分明有飯香。
跟飯嘅冬瓜湯，味道亦唔錯，內有冬瓜粒，可以落啲餐廳自家秘製嘅香脆胡椒粒一齊飲，滋味又暖胃。
山打根皮蛋餃 ($46) 餃子皮薄餡多，入面包裹住剁碎豬肉同鮮香皮蛋，豬肉以瘦肉為主，脂肪含量少，肉中無筋且腍滑，同甘香嘅皮蛋好夾。
炭燒沙嗲豬肉串 ($48) 豬肉串火候控制得相當好，用迷你炭爐盛上，外層帶焦香，內裡肉質保持嫩滑，蘸沙嗲醬吃，濃香惹味。
菜脯蛋炒蘿蔔糕 ($32) 蘿蔔糕炒得好香口，糕身唔會太過綿軟，食落有好重蘿蔔味，加上廚師落咗雞蛋同菜脯嚟炒，入口鹹鹹香香，勁惹味。
飲品點咗餐廳自家炮製嘅丹南咖啡 (+$15) 同 白桃烏龍冷泡茶 (+$12)。咖啡甘醇柔和，香濃又唔苦澀；冷泡茶茶味十分清幽，帶淡淡白桃香。
最後嗌咗個咖央椰絲手抓餅 ($28) 做甜品，賣相幾吸引，圓形一大塊，餅皮煎得很香脆，面頭塗滿了咖央醬，再灑上花生碎粒同椰絲，食落好有咬口，甜而不膩。
張貼
