嚥宮

營業中

休息中

鍾意食中菜嘅我又出發去搵中菜啦😬 住西環嘅朋友介紹我呢一間嚥宮唔錯，仲可以自己帶海鮮加工🤩帶幾多都淨係收$100加工費，好抵喎，下次一於試吓😎🌟豉椒炒蜆 $128份量夠大，蜆肉飽滿，新鮮冇沙🫶🏻 豉椒炒非常惹味，勁有風味😬有大排檔嘅鑊氣，同啤酒真係絕配👍🌟辣子肥腸 $118 又麻又辣真係好惹味好正🤩 豬大腸大火爆完之後完全冇咗油膩感👍 最鐘意佢加咗腰果，更加香口🫶🏻🌟椒麻牛柳粒 $138 牛柳粒份量足，肉嫩味濃，完全唔靭👍 椒麻味好出，辣辣地好好食🤤 加埋紅椒、洋蔥等配料一齊爆炒，非常香口惹味，推介🫶🏻呢度食物夠香夠鑊氣，好有風味，推薦比鍾意食中菜嘅大家試吓🫶🏻