影片
更多
2024-09-08
1299 瀏覽
最近去咗西環新開嘅木屋燒烤，睇裝修真係有深圳店嘅感覺，性價比亦都唔錯。坐低就叫咗佢哋嘅招牌經典二人餐，一次過集合咗各種最受歡迎嘅串燒同小菜，啱晒鍾意飲酒食串燒但係又懶得揀嘅朋友（即係我）。前菜有香口嘅花生同辣辣地嘅醃菜，又可以送酒又可以為之後火辣嘅串燒warm up。先嚟五串金牌羔羊肉串，用佢哋自家農場嘅羊，一條串燒有齊哂羊嘅唔同部位，落咗孜然、芝麻、花椒同埋辣椒爆香。侍應姐姐話建議120秒之內要食，以保持鮮味，不過我哋都係慢慢享受。每一個部位都各有特色，尤其係羊尾油，即係羊pat pat，油脂感極重，香到不得了。鍾意有咬口嘅朋友就應該會比較鍾意後腿肉，係羊仔訓練有素嘅大脾。之後係四串烤雞脆骨，即係雞軟骨，又脆又有咬口。兩隻烤生蠔，大大粒好好肉地，個醬料調得好好，有蒜香又夠辣。四串烤土豆，係薯仔切片再烤，有少少似薯片，好爽脆。電白乾魷炒米粉，用咗本地船曬魷魚，為豉油炒米粉增添一份獨特風味。飲品方面，套餐包咗一扎鮮酿大麥皮皮爾森，係木屋燒烤嘅自家廠啤酒，麥味較重而且有回甘。套餐仲包一份香辣毛豆，醬油甜甜地辣辣地，仲加咗蒜頭，毛豆浸到入曬味，好香好滋味。追加咗超麻雞腎，好少見雞腎會薄切，比
坐低就叫咗佢哋嘅招牌經典二人餐，一次過集合咗各種最受歡迎嘅串燒同小菜，啱晒鍾意飲酒食串燒但係又懶得揀嘅朋友（即係我）。
前菜有香口嘅花生同辣辣地嘅醃菜，又可以送酒又可以為之後火辣嘅串燒warm up。
前菜
85 瀏覽
0 讚好
0 留言
先嚟五串金牌羔羊肉串，用佢哋自家農場嘅羊，一條串燒有齊哂羊嘅唔同部位，落咗孜然、芝麻、花椒同埋辣椒爆香。侍應姐姐話建議120秒之內要食，以保持鮮味，不過我哋都係慢慢享受。
金牌羔羊肉串
67 瀏覽
0 讚好
0 留言
每一個部位都各有特色，尤其係羊尾油，即係羊pat pat，油脂感極重，香到不得了。鍾意有咬口嘅朋友就應該會比較鍾意後腿肉，係羊仔訓練有素嘅大脾。
金牌羔羊肉串
136 瀏覽
0 讚好
0 留言
之後係四串烤雞脆骨，即係雞軟骨，又脆又有咬口。
烤雞脆骨
42 瀏覽
0 讚好
0 留言
兩隻烤生蠔，大大粒好好肉地，個醬料調得好好，有蒜香又夠辣。
烤生蠔
24 瀏覽
0 讚好
0 留言
四串烤土豆，係薯仔切片再烤，有少少似薯片，好爽脆。
烤土豆
31 瀏覽
0 讚好
0 留言
電白乾魷炒米粉，用咗本地船曬魷魚，為豉油炒米粉增添一份獨特風味。
電白乾魷炒米粉
55 瀏覽
0 讚好
0 留言
飲品方面，套餐包咗一扎鮮酿大麥皮皮爾森，係木屋燒烤嘅自家廠啤酒，麥味較重而且有回甘。
套餐仲包一份香辣毛豆，醬油甜甜地辣辣地，仲加咗蒜頭，毛豆浸到入曬味，好香好滋味。
追加咗超麻雞腎，好少見雞腎會薄切，比平日更爽口。而且食完個口真係有好麻嘅感覺，果然deserve 佢個名。
超麻雞腎
25 瀏覽
0 讚好
0 留言
整體嚟講，呢度嘅串燒同小菜都幾有特色，值得一試，適合約朋友一齊嚟試下飲下酒。
張貼
