夢の丼 (已結業)

平時好少去西環個邊食野 收工約左個朋友食飯，大家傾傾下覺得不如去一個好少去既地方搵野食，第一站就決定去西環，開發一個好少去既地方.又係照舊係openrice搵下個頭有咩會引起我地食慾既餐廳，今次就揀左依間叫夢の丼既日本餐廳.正常日本餐廳既前菜 一碗仔雜菜沙律同麵豉湯，味道不過不失.依個蟹皇醬燒蟹膏豆腐值得推薦，口感一流👍🏻👍🏻刺身方面就叫左個深海池魚刺身，因為平時好少食，所以叫黎試一試，味道可以. 另外叫左兩隻塔斯曼尼亞生蠔，配上海草一齊食，口感都幾新鮮.依隻柔煮鮑魚配上用鮑魚肝做既汁，非常軟淋.依個火炙左口魚壽司也不錯.主食方面分別叫左花錦魚生丼同夢之丼，非常之好食.總括黎講，味道不錯，值得推薦👍🏻👍🏻👍🏻