Hunger Strike (第三街) (已結業)

去西環探完朋友，再去買野，有點餓既時侯經過呢間小店。餐牌有乳酪、汽水同水揀。主菜有墨西哥夾餅同壓烤三文治，右邊貴少少既係套餐價（連飲品同埋薯條）。我揀左02 烤豬頸肉墨西哥夾餅套餐 $60呢度先俾錢後取餐。職員見我身水身汗，問我要唔要坐得舒服d，之後就開左店後門，我見到有個小花園。我揀左個雀籠黎坐。另外仲有呢度仲有呢張大檯。等左一陣終於有得食，我揀左coke zero 減低卡路里。食物好大份，而且好好食。一客墨西哥夾餅有兩個，份量好充足。個夾餅好足料，豬頸肉好入味又好食，有芝士、生菜、仲有甜甜酸酸辣辣既墨西哥醬，好惹味。